Իրանը կառուցում է «Բեսաթ» սուզանավ, որն ունակ է թևավոր հրթիռներ կրել: Այս մասին հայտնում է Fars News-ը՝ հղում անելով երկրի ռազմածովային ուժերին:
Նավի երկարությունը կլինի 60 մ, ջրատարողությունը՝ ավելի քան 1 300 տոննա: Սուզանավը կունենա 6 կայան տորպեդների և թևավոր հրթիռների արձակման համար, նաև կկարողանա ականապատել:
«Ռազմածովային ուժերի նոր սուզանավը պատրաստ կլինի և կգործարկվի շուտով (Իրանի) բանակի հզորությունն ամրապնդելու համար»,- գործակալությունը մեջբերում է գեներալ-մայոր Աթաոլլու Սալեհիի խոսքը:
Ռազմածովային ուժերին սուզանավի փոխանցման ստույգ ամսաթիվը չի նշվում:
