Վերջին 30 տարում ահաբեկչության պատճառով Թուրքիայի կորուստները կազմել են 400 միլիարդ դոլար: Այս մասին հայտնել է երկրի վարչապետ Ռեջեփ Թայիփ Էրդողանը՝ փոխանցում է «Անադոլու» գործակալությունը:
Նրա խոսքով՝ եթե ահաբեկչության խնդիրը չլիներ, այսօր Թուրքիան կհասներ զարգացման առավել մեծ հաջողությունների:
«Ահաբեկչությունը խոչընդոտում է երկրի որոշ տարածաշրջանների զարգացմանը: Սակայն Թուրքիան կշարունակի բարեհաջող պայքարը այդ խնդրի դեմ, ինչի արդյունքում այն կհանվի օրակարգից»,- ասել է Էրդողանը:
Թուրքիայի և Քրդստանի աշխատավորական կուսակցության հակամարտությունը շարունակվում է 25 տարուց ավելի և արդեն ավելի քան 40 հազար մարդու կյանք է խլել: