Այս շաբաթ Ումա Թուրմանը բոլորին ցնցել է իր թարմացված կերպարով: Spletnik.ru-ն որոշել է հետևել տարիների ընթացքում 44-ամյա դերասանուհու կերպարների և ոճի փոփոխություններին:
Թուրմանը ծնվել է 1970թ. ապրիլի 29-ին: Ումայի հայրը առաջին ամերիկացին էր, որը բուդդա-հոգևորական է օծվել անձամբ Դալայ լամայի կողմից:
Թուրմանի դերասանական կարիերան միանգամից չի սկսվել: Նյու Յորք տեղափոխվելով՝ նա սկսել է աման լվացողի աշխատանքից և փորձել է ֆոտոմոդել դառնալ:
Իրականում նրան նկատել են Թերրի Գիլլիամի «Բարոն Մյունհաուզենի արկածները» ֆիլմում էպիզոդիկ դերից հետո:
Առաջին փառքը նրան այցելել է 1990թ.՝ «Հենրին և Ջունը» ֆիլմի թողարկումից հետո:
90-ականների սկզբին նա միանգամից մի քանի ֆիլմում է նկարահանվել, որոնց շարքում են «Վերջնական անալիզ»-ն ու «Ջենիֆեր 8»-ը:
1994թ. դերասանուհուն նկատել է Քվենտին Տարանտինոն և հրավիրել նրան խաղալու իր «Քրեական ընթերցվածք» ֆիլմում, որտեղ իր աշխատանքի համար Ուման առաջին անգամ «Օսկարի» է առաջադրվել:
Դերասանուհին դարձել է ռեժիսորի մուսան՝ երկար տարիներ շարունակելով խաղալ նրա ֆիլմերում:
Դրանով Թուրմանի կարիերան չի ավարտվել: 1997թ. Իթան Հոուքի հետ նա նկարահանվել է «Գատտակա» ֆիլմում, ում հետ էլ հետագայում ամուսնացել է:
2000-ականներին թողարկվում են Թուրմանի մասնակցությամբ «Բեթմենն ու Ռոբինը», «Մեկ ամիս լճի վրա», «Գեղեցիկ աղջիկներ» և «Մերժվածները» ֆիլմերը:
2003թ. «Սպանել Բիլլին» ֆիլմի առաջին մասի թողարկումից հետո նա շատ կարևոր մրցանակների է առաջադրվում, սակայն այդպես էլ դրանք չի ստանում: Պատմությունը կրկնվում է նաև ֆիլմի երկրորդ մասի թողարկումից հետո:
Սակայն Թուրմանը շարունակում է ջանասիրաբար աշխատել՝ նկարահանվելով արդեն ոչ այնքան հաջողակ նախագծերում:
2013թ. երկրպագուները դերասանուհուն կրկին տեսել են «Նիմֆոմանուհին» ֆիլմում:
Թուրմանը ամուսնացած է եղել երկու անգամ: 1990-1992թթ. նա եղել է դերասան Գարի Օլդմանի կինը: Իսկ վեց տարի անց ամուսնացել է Իթան Հոուքի հետ և այդ ամուսնությունից երկու երեխա ունի: Զույգը ամուսնալուծվել է 2005թ:
2007- 2014թթ. Ուման փաստացի ապրել է ֆինանսիստ Արփադ Բյուսոնի հետ, ումից ունեցել է իր երրորդ երեխային:
