ԿԳ նախարար Արմեն Աշոտյանն այսօր Կառավարության նիստից հետո լրագրողների հետ զրույցում անդրադարձավ Պոլիտեխնիկում արձանագրված խախտումներին. «Նախարարությունն իր մտահոգությունն է հայտնում, որ բուհը հերթական անգամ հայտնվեց թվով երրորդ, թե չորրորդ սկանդալում: Ղեկավարության պարտավորությունն է ապահովել բուհի համբավը, բարոյահոգեբանական առողջ մթնոլորտը և նորմալ ուսումնական պրոցեսի իրականացումը»,- ասաց Արմեն Աշոտյանը և հավելեց, որ կատարվել են ուսումնասիրություններ, որոնց մասին իրենք տեղյակ են պահել:
«Նախարարությունը բացառապես առաջնորդվելու է ՀՀ օրենսդրությամբ և հուսով է, որ մոտ ապագայում այդ խնդիրն իր վերջնական կարգավորումը կստանա: Ոչ մի բուհի ռեկտոր, դասախոս, պրոֆեսոր չի կարող իրեն վեր դասել օրենքներից:
