Գերմանիայի կանցլեր Անգելա Մերկելին հաջողվել է եվրոպացի առաջնորդներին բացատրել «Ռուսաստանի հետ սպառազինությունների արշավի» վտանգը, որը կարող է հետևել ուկրաինական բանակին զենքի մատակարարումներին, գրում է բրիտանական Sunday Times-ը:
Թերթի տվյալով՝ ներկայիս իրավիճակում դաշնային կանցլերը կարողացել է կտրել վաշինգտոնցի «ճուռակների» թևերը, որոնք պնդում են, որ ուկրաինական ճգնաժամը կարող է լուծվել ռազմական ճանապարհով:
Նման եզրակացություն Sunday Times-ը արել է Մյունխենի անվտանգության համաժողովում Մերկելի շաբաթօրյա ելույթի վերլուծության հիման վրա:
«Նախկինում կանցլերը դեռ երբեք այդքան միանշանակ չի նախազգուշացրել Արևմուտքին Ուկրաինա զենքի մատակարարումներից, ինչին ձգտում է ԱՄՆ-ը»,- գրում է թերթը:
Ի տարբերություն ամերիկացի քաղաքական գործիչների՝ կանցլերը «բացարձակապես վստահ է», որ խնդրի ուժային լուծումն անթույլատրելի է:
«Մերկելը Արևմուտքի ղեկավարներին կոչ է անում շարունակել դիվանագիտական ջանքերը և պատրաստվել Մոսկվայի հետ երկարաժամկետ դիմակայության»,- գրում է Sunday Times-ը:
