ՀՀ 2013-2015թթ. պետական բյուջեների եկամուտները կառավարությունը փորձելու է ավելացնել համապատասխանաբար` 1,001.2 մլրդ դրամի, 1,086.9 մլրդ դրամի և 1,181.3 մլրդ դրամի չափով: Եկամուտների այս աճը կապահովվի հիմնականում ի հաշիվ հարկային եկամուտների և պետական տուրքերի:
2013-2015թթ. պետական միջնաժամկետ ծախսերի ծրագրով հարկեր/ՀՆԱ հարաբերակցությունը 2013-ին կկազմի 21.20%, 2014-ին՝ 21.65%, 2015-ին՝ 22.10%:
Ֆինանսների նախարարության մասնագետները հաշվարկներում լրացուցիչ ենթադրել են, որ հարկերի գծով 2012-ի համար ծրագրված հարկեր/ՀՆԱ ցուցանիշի ծրագրային մակարդակը իրատեսական է և առկա օրենսդրական նախադրյալները, կիրառվելիք վարչարարական միջոցառումները, ինչպես նաև մակրոտնտեսական բարենպաստ զարգացումները բավարար հիմքեր կստեղծեն այն ապահովելու համար:
Սակայն ֆինանսիստները ՊԵԿ-ի աջակցության կարիքն ունեն և անհրաժեշտ են համարում, որ հարկային և մաքսային մարմինների կողմից վարչարարական միջոցառումներ իրականացվեն` հարկերի ծրագրային մակարդակն ապահովելու ուղղությամբ: Այս առումով նշված տարիների հարկերի գծով ծրագրված ցուցանիշները կատարման առումով պարունակում են որոշակի ռիսկ:
