Օդեսսայի «Չերնոմորեց»-ն ու Կապանի «Գանձասար»-ն ուսումնամարզական հավաք են անցկացնում Թուրքիայում:
Այսօր թիմերն ստուգողական հանդիպում անցկացրին Անթալիայում: Քիչ առաջ ավարտվեց հանդիպումը, որը բավական բարդ էր երկու ակումբի համար էլ:
Ինչպես տեղեկացնում է «Չերնոմորեց»-ի պաշտոնական կայքը, Օդեսսայի ակումբը կարողացել է խաղավարտին հաղթական գոլ խփել:
Հաշիվը բացվել է 21-րդ րոպեին, երբ 11 մետրանոց հարված է նշանակվել «Չերնոմորեց»-ի դարպասին: Այն դիպուկ է իրացրել Բեգլարյանը:
42-րդ րոպեին Օդեսսայի ակումբի ֆուտբոլիստ Դե Մատոսը հավասարեցրել է հաշիվը, իսկ խաղավարտին՝ 84-րդ րոպեին, Բուրդուժանի՝ 20 մետրից կատարած հարվածը հաղթանակ է պարգևել ուկրաինական թիմին:
