Միլա Կունիսը, հուրախություն իր երկրպագուների, վերադարձել է ակտիվ կյանքի և հիմա զբաղված է «Յուպիտերի ծագումը» ֆիլմով, որի գլխավոր դերակատարն է, գրում է Elle-ն:
Սակայն հասարակությանը հետաքրքրում է նաև Միլայի նոր կարգավիճակը. անցած աշնանը նա մայրացավ:
Բացի դրանից՝ լուրեր են շրջանառվում, թե դերասանուհին ու նրա երեխայի հայրը՝ Էշթոն Քաթչերը, օրինականացրել են իրենց հարաբերությունները: Այդ հարցում պարզություն է որոշել մտցնել Էլեն Դեջեներեսը, որի շոուին էլ հյուրընկալվել է օրերս Միլան:
Հաղորդավարուհու առաջին հարցը վերաբերել է մայրությանը: «Նա շատ մեծ է, արագ է մեծանում ու արդեն հագնում է կես տարեկան երեխայի հագուստ»,- համաձայնել է հպարտ մայրը:
Միևնույն ժամանակ, նա խոստովանել է, որ հրաժարվել է դայակներից և ինքն է երեխային հոգ տանում:
Նոր դերում Միլայի համար ամենամեծ բացահայտումը եղել է սերը: «Շատերն էին ասում այդ մասին, սակայն ես չէի կարողանում հավատալ, մինչև մայր չդարձա: Ես առաջ մտածում էի, որ սիրում եմ Էշթոնին, ծնողներիս, սակայն երեխայի հանդեպ սերը միանգամայն յուրահատուկ բան է: Անգամ եթե իմ աղջիկը ինչ-որ սարսափելի բան անի, ես ամեն դեպքում նրան կպաշտեմ»,- ասել է դերասանուհին:
