Դորտմունդի «Բորուսիա»-ի կիսապաշտպան Մարիո Գյոթսեն Bild պարբերականին տված հարցազրույցում ասել է, որ ինքն իր բոլոր ծրագրերը կապում է «Բորուսիա»-ի հետ:
«Ինձ այստեղ ամեն ինչ դուր է գալիս: Մենք հրաշալի խաղ ենք ցուցադրում ընթացիկ մրցաշրջանում և մեծ ակնկալիքներ ունենք: Հաջորդ տարի մենք, ըստ ամենայնի, կմասնակցենք Չեմպիոնների լիգայի խաղարկությանը: Ինչո՞ւ պետք է հեռանամ ակումբից, որտեղ ես կարող եմ զարգանալ որպես ֆուտբոլիստ: Առայժմ իմ ապագան կապված է միայն «Բորուսիա»-ի հետ»:
Հիշեցնենք, որ 18-ամյա ֆուտբոլիստը վերջերս նոր պայմանագիր է կնքել Բունդեսլիգայի առաջատարի հետ, որի համաձայն, այնտեղ կխաղա մինչև 2014 թվականը, իսկ անգլիական լրատվամիջոցները լուրեր էին տարածել, որ Գերմանիայի հավաքականի երիտասարդ ֆուտբոլիստի ծառայություններով հետաքրքրված է «Մանչեսթեր Յունայթեդը»:
