Իրաքը ExxonMobil նավթային ընկերությունից պահանջում է ընտրություն կատարել՝ կամ իր հարավի կամ ինքնավար Քուրդիստանի հանքավայրերը:Այս մասին հայտարարել է Իրաքի նավթաարդյունաբերության նախարար Աբդուլ Քարիմ Լուայբին,- փոխանցում է Reuters գործակալությունը:
Լուայբիի խոսքով՝ իրենք այդ մասին հստակ հասկացրել են Exxon-ի ներկայացուցիչների հետ իրենց վերջին հանդիպմանը, որ իրենք նրանցից պատասխան են սպասում, թե որտեղ են պատրաստվում աշխատել՝ Քուրդիստանո՞ւմ թե՞ Իրաքի հարավում:Նա հայտարարել է, որ ExxonMobil-ը չի կարող միաժամանակ երկու հանքավայրերի մշակմամբ զբաղվել:
Իրաքի իշխանությունների դժգոհությունն է հարուցել այն, որ ընկերությունը Քուրդիստանի հետ պայմանգիր է կնքել, առանց Բաղդադի հետ համաձայնեցնելու:
Ինքնավար Քուրդիստանի կառավարությունը հաստատում է, որերկրի սահմանադրությունը թույլ է տալիս իրենց պայմանգրեր կնքել նավթաարդյունահանող ընկերությունների հետ,առանց կենտրոնական կառավարության համաձայնության:
Լուայբին նշել է, որ Քուրդիստանի հետ պայմանագրեր կնքածայլ միջազգային ընկերությունների, այդ թվում ՝ Chevron –ի պարագայում իրադարձությունները կարող են զարգանալ նույն սցենարով, ինչ ExxonMobil-ի դեպքում: