Սիրիայի քիմիական զինաթափումն ավարտված է: Այս մասին RIA Novosti-ին տված հարցազրույցում հայտարարել է Ռուսաստանի փոխարտգործնախարար Գենադի Գատիլովը:
«Մենք կարծում ենք, որ ամենը ոչնչացված է, ծրագիրը և նպատակները կատարված են, ոչ մի լուրջ խնդիր չի մնացել»,- նշել է դիվանագետը:
Գատիլովի խոսքերով՝ ԱՄՆ-ը, չնայած այդ ամենին, փորձում է Սիրիայում քլորի կիրառման մասին տվյալները օգտագործել Դամասկոսի վրա ճնշում գործադնելու նպատակով: Ընդ որում, Նահանգները հայտարարել են, որ «քլորի հարցը երկրի քիմիական զինաթափմանը ուղղակիորեն չի վերաբերում»:
Դեկտեմբերի կեսերին Սիրիայի կառավարությունը Քիմիական զենքի արգելման կազմակերպությանը (ՔԶԱԿ) հայտնել է ԴԱԻՇ-ի (Իրաքի և Շամի իսլամիական պետություն) կողմից քլոր պարունակող նյութերի պահպանության արտադրական օբեյկտների զավթման մասին:
2010 թ. հունիսի վերջին հաղորդվում էր, որ Սիրիայից քիմիական զենքի վերջին բաժինը դուրս է բերվել և պատրաստ է ոչնչացման: Չորս ամիս շարունակ ենթադրվում էր թունավոր նյութերը ոչնչացնել ամերիկյան Cape Ray նավի վրա տեղակայված լաբորատորիայում: Սկզբում Դամասկոսը խոստացել էր քիմիական զենքը ոչնչացնել մինչև անցած տարվա հունիսի 30-ը: Սակայն քիմիական զենքի վերջին բաժինը ռազմական ակտիվ գործողությունների շրջանում գտնվելու պատճառով սիրիական իշխանությունները նախազգուշացրել էին, որ չեն կարող պայմանավորվածությունը ժամանակին կատարել: ՔԶԱԿ-ի ներկայացուցիչները ընդունել են, որ եթե ժամկետային խախտումներ լինեն, ապա դրանք կանխամտածված չեն:
