ԱՄՆ Կանզաս նահանգի ոստիկանությունը դուրս է եկել արտասովոր հանցագործների հետքի վրա: Նրանք ոչնչացրել են ողջ մարիխուանան, որը պահպանվել է իրեղեն ապացույցների բաժանմունքում: Մկները ներխուժել են բաժամունք և կերել մարիխուանայի փաթեթները: Այս մասին հայտնում է Rosbalt-ը:
Ոստիկանությունը փնտրում է կրծողներին: Տաք հետքերով հաջողվել է «ձերբակալել» նրանցից մեկին: Նա մտել էր փաթեթի մեջ և այնտեղ բույն դրել: Նրան բռնել են ու գցել ճաղերի հետևը:
«Կարծում եմ՝ մկները թմրանյութի հոտի վրա են եկել: Կարող եք ծիծաղել, բայց մեզ մոտ՝ Կանզասում, թմրամոլ մկներ կան»,- ասել է լեյտենանտ Դուգ Նոլթը:
Նշենք, որ ԱՄՆ-ում բնակիչների գրեթե կեսը հանդես է գալիս մարիխուանայի օրինականացման օգտին:
