Վրացական Apsny.ge կայքի փոխանցմամբ, Կոնգոյում կործանված վրացական Аirzena ավիաընկերությանը պատկանած Bombardier CRJ-200 ինքնաթիռի վթարից փրկվել է միայն տեղացի լրագրող Ֆրանսիս Մուանմբան:
Վերջինս Reuters-ին հայտնել է հետևյալը. «Ինքնաթիռն ընկել է փոթորկի մեջ և սկսել է ուժգին ցնցվել: Դրանից հետո ես այլևս ոչինչ չեմ հիշում: Երբ աչքերս բացեցի, արդեն հիվանդանոցում էի»:
Հիշեցնենք, որ ապրիլի 4-ին Կոնգոյում վթարի ենթարկված ինքնաթիռում են գտնվել ՄԱԿ-ի 29 խաղաղապահներ և աշխատակիցներ, ինչպես նաև 4 հոգանոց անձնակազմը: Այդ 33 անձանցից փրկվել է միայն մեկը: