ՄԱԿ-ը հրապարակել է 2010թ. մարդկային զարգացման ինդեքսը: Համաձայն այդ տվյալների` մարդկային զարգացման ցուցիչով 170 երկրների շարքում Հայաստանը գտնվում է 76-րդ տեղում: Անցած տարվա ամփոփագրքում Հայաստանը 84-րդ տեղում էր: Այս ցուցանիշով Հայաստանը զիջում է նախկին ԽՍՀՄ հանրապետություններից շատերին` Էստոնիա` 34-րդ տեղ, Լիտվա` 44-րդ, Լատվիա` 48-րդ, Բելառուս` 61-րդ, Ռուսաստան` 65-րդ, Ղազախստան` 66-րդ, Ադրբեջան եւ Ուկրաինա` 67-րդ, Վրաստան` 74-րդ: Այս առումով աշխարհի առաջատարների թվում են Նորվեգիան, Ավստրալիան եւ Նոր Զելանդիան: Հետնապահներն են` Նիգերը, Կոնգոն եւ Զիմբաբվեն:
Այս ցուցանիշով Հայաստանը գտնվում է երկրորդ` «մարդկային բարձր զարգացման գոտում»: