Friday, 07 10 2022
Ֆաթիմայի Տիրամոր արձանիկը պատմության մեջ առաջին անգամ կբերվի Հայաստան
Պայթյունի հետևանքով «Սուրմալու»-ի փլուզված շենքն ապամոնտաժվում է. ԱԻՆ-ն ապահովում է անվտանգությունը
Արցախի նախագահն ընդունել է «Արարատյան ալյանս» մտքի կենտրոն-ինստիտուտի փորձագետներին
Լոռիում առանձնակի դաժանությամբ սպանություն գործած ամբաստանյալին ազատ արձակելու հնարավորությունը ճանաչվել է անթույլատրելի
Նիկոլ Փաշինյանը ժամանել է Սանկտ Պետերբուրգ
Երևանը և Ստեփանակերտը պետք է ոսկերչական նրբության աշխատանքներ սկսեն
13:30
Նավթի գներն աճել են- 06-10-22
Ադրբեջանի հոսպիտալում առանց ցավազրկման վիրահատել ու ներքին կարեր են դրել հայ զինծառայողներին. ՄԻՊ
13:22
ԱՄՆ-ի զինվորականները Սիրիայում ոչնչացրել են ԻՊ-ի ազդեցիկ ահաբեկչի
Ուղիղ. Ազգային ժողովի հերթական նիստը
Ադրբեջանցիները Արցախից 4 խոշոր եղջերավոր և 1 ձի են գողացել. ՔԿ-ն քրեական գործ է հարուցել
24 ժամ հաղթանակը վայելելու համար․ «Փյունիկի» լուրջ հայտը Եվրոպայում
Նախագահ Վահագն Խաչատուրյանը շնորհավորել է ՌԴ նախագահ Վլադիմիր Պուտինին՝ ծննդյան 70-ամյակի առթիվ
Ռուսները այդքան հեշտ չեն գնալու. Հոկտեմբերի 27-ի վտանգ եմ տեսնում
12:56
Երկարատև ազդեցության ծրագիր՝ նոր տեխնոլոգիաների կիրառմամբ
Սպանել էր կնոջը, ապա նռնակ պայթեցրել, որ չհանձնվի ոստիկաններին
ՊԵԿ նախագահն ու ԱՄՆ դեսպանը քննարկել են մաքսային և հարկային ոլորտներում հայ-ամերիկյան համագործակցության զարգացմանն ուղղված հարցեր
Եռաբլուրի դեպքերով կարգապահական վարույթներ են հարուցվել, կա քրեական գործ․ ՄԻՊ
«Հենց Հայաստանը խաղաղության համաձայնագիր կնքի Ադրբեջանի հետ, մեզ հետ ոչ մի խնդիր չի ունենա». Էրդողան
Սահմանամերձ շրջաններում մարդիկ խաղաղություն են ուզում. Քրիստիննե Գրիգորյան
ՀՀ վարչապետի այցը Պրահա, ուշագրավ հանդիպումները
12:43
Live. «Առաջին լրատվական» տեղեկատվական-վերլուծական կենտրոն
ՀՀ ՊՆ-ն հերքել է ինտենսիվ փոխհրաձգության մասին լուրերը
ՔՊ խմբակցությունը ներկայացրեց ԿԸՀ անդամի թեկնածուներին
Հակված եմ ռիսկերի գնահատումը հնարավորությունների գնահատումից առաջ չգցել. Արմինե Մարգարյան
Ադրբեջանում խրախուսում են հայերին գնդակահարողներին. ձևական երկամսյա տնային կալանք տալիս. ՄԻՊ
Վրաստանը միշտ պատրաստ է միջնորդական դեր խաղալ Ադրբեջանի և Հայաստանի միջև. Վրաստանի ԱԳՆ
Ինձ համար թափանցիկ ընտրությունների անցկացումը եղել է կյանքի սկզբունք․ Հովակիմյան
«Անհասկանալի է, որ մեզ կամավոր անցում չեն տվել Նախիջևան». Ալիև
Ինչ է կատարվել Պրահայում. Հայաստանի խնդիրը մինչև նոյեմբեր

Ինչ է կատարվում Դաշնակցության ներսում, դրսում և շուրջը

Անցած շաբաթ Ծաղկաձորում տեղի ունեցավ Դաշնակցության Ընդհանուր ժողովը, որի ժամանակ ընտրվել են այդ կուսակցության ղեկավար մարմնի՝ Բյուրոյի անդամները: Այս անգամ ՀՅԴ Բյուրոյի կազմում բավականին մեծ փոփոխություններ են կատարվել:

Նախ՝ այդ մարմնում նախկին կազմից Հայաստանը միայն կներկայացնի Հրանտ Մարգարյանը: Հայաստանցի անդամներից Վահան Հովհաննիսյանը, հիշեցնենք, անցած տարեվերջին մահացավ: Իսկ Լևոն Մկրտչյանը, Դավիթ Լոքյանն ու Մկրտիչ Մկրտչյանն այս անգամ չեն ընտրվել: Փոխարենն այս անգամ Բյուրոն համալրվել է նոր դեմքերով՝ Սպարտակ Սեյրանյան, Կիրո Մանոյան և ՀՅԴ Գերագույն մարմնի ներկայացուցիչ Արմեն Ռուստամյան:

Փոփոխություններ են կատարվել նաև այլ երկրների ներկայացուցիչների դեպքում: Այս անգամ չկա Արգենտինան ներկայացնող Մարիո Նալպանտյանը: Իր տեղը պահպանել է Իրանի ներկայացուցիչ Վիգեն Բաղումյանը: Բյուրոյում նոր անդամներ են Լիբանանից Հակոբ Խաչերյանը և Բենիամին Պչաքչյանը: Ընդգրկվել են ԱՄՆ երկու ներկայացուցիչներ՝ Վիգեն Հակոբյանը և Խաչիկ Մուրադյանը, և մեկական ներկայացուցիչներ Կանադայից ու Ֆրանսիայից՝ Հակոբ Տեր-Խաչատուրյանը և Մուրադ Փափազյանը:

Այս փոփոխություններից բացի՝ ընդլայնվել է նաև Բյուրոյի կազմը. նախկին 9 անդամների փոխարեն՝ այս անգամ այդ մարմինն ունի 11 անդամ: Թե ինչով է պայմանավորված այս փոփոխությունը՝ ՀՅԴ-ն դեռ չի մեկնաբանել:

ՀՅԴ այս ժողովի դեպքում նախապես կարծիք կար, թե կուսակցության՝ այլ երկրների կառույցներում, ինչպես նաև այստեղ՝ շարքերում, մեծ տարաձայնություն կա Հ. Մարգարյանի թեկնածության հետ կապված, և չի բացառվում, որ Հ. Մարգարյանի փոխարեն Բյուրոյի ղեկավար ընտրվի ԱՄՆ ներկայացուցիչ Վիգեն Հովսեփյանը: Հ. Մարգարյանին, ասում են, դեմ էին հատկապես ԱՄՆ-ի, Լեռնային Ղարաբաղի կառույցները: Կարծիք կա, թե որոշակի լարվածություն կա նաև Հ. Մարգարյանի ու Ֆրանսիայի ՀՅԴ-ականների միջև: Հավանաբար այդ հակասությունն է պատճառը, որ Բյուրոյի կազմում այս անգամ չի ընդգրկվել ԼՂՀ ներկայացուցիչ, ԼՂՀ նախկին արտգործնախարար Գեորգի Պետրոսյանը: Ղարաբաղում ՀՅԴ կառույցը ավելի շատ է ընդդիմադիր, քան հայաստանյան կենտրոնը: Ճիշտ է, ՀՅԴ-ն 2009 թվականից իրեն հռչակել է ընդդիմադիր կուսակցություն, բայց վերջին շրջանում իշխանությունների հետ որոշակի համագործակցության է գնում՝ հատկապես սահմանադրական փոփոխությունների հարցում: Այդ պատճառով էլ անցած ամռանը ՀՅԴ-ն դուրս եկավ ոչ իշխանական քառյակից: Իսկ ԼՂՀ կառույցը, ասում են, հակված էր ընտրել Վ. Հովսեփյանին, ով որոշակի ներդրումներ է կատարել Ղարաբաղում:

Որոշ կարծիքների համաձայն՝ իշխանությունների նկատմամբ մեղմ վերաբերմունքի կամ նրանց հետ համագործակցության գնալու պատճառով էլ ՀՅԴ այդ կառույցներում, ինչպես նաև շարքային անդամների մոտ կուսակցության ղեկավարների նկատմամբ դժգոհություն կա: Սակայն ԳՄ թե անդամների և թե ներկայացուցչի ընտրության հարցը որոշվել էր ոչ այնքան ծաղկաձորյան ժողովում, որքան տարբեր երկրների տարածքային կառույցներում: Որպես այդպիսին, սուր պայքար է գնացել հենց այդ կառույցներում ու հատկապես այն կառույցներում, որոնք համեմատաբար ուժեղ են: Տվյալ դեպքում խոսքը վերաբերում է ԱՄՆ-ի, Ֆրանսիայի, Իրանի, Լիբանանի, Սիրիայի կառույցներին: Վերջին երեքը հայաստանյան կառույցի ղեկավար կազմի հետ միասին, ասում են, Հ. Մարգարյանի կողմնակիցներն են, և նա ընտրվել է այդ կառույցների շնորհիվ: Այնպես որ՝ մինչ ծաղկաձորյան ժողովը արդեն հասկանալի էր, որ Հ. Մարգարյանն է ընտրվելու Բյուրոյի ներկայացուցիչ:

Մինչ այդ ընտրվել են բյուրոյի անդամները, որոնք արդեն իրենց միջից պետք է ընտրեին ներկայացուցչին: Իսկ Բյուրոյի անդամների գերակշիռ մասը Հ. Մարգարյանի կողմնակիցներն են, որոնց շնորհիվ էլ նա ընտրվել է:

Սակայն մեզ չհաջողվեց Ընդհանուր ժողովի հետ կապված ՀՅԴ-ից մեկնաբանություն ստանալ. օրինակ՝ Հ. Մարգարյանից բացի, եղե՞լ են Բյուրոյի ներկայացուցիչ այլ թեկնածուներ և այլն:

Իսկ մինչ այդ ժողովի սկսվելը քաղաքական շրջանակներում խոսում էին, թե այդ պաշտոնում վերընտրվելու համար Հ. Մարգարյանին պետք է աջակցի նաև Սերժ Սարգսյանը: Փոխարենը ՀՅԴ ղեկավարը խոստացել է, որ կուսակցությունը լիակատար աջակցելու է նրա նախաձեռնած սահմանադրական փոփոխություններին:

Գաղտնիք չէ, որ Հ. Մարգարյանը նախագահականում երբեմն հանդիպում է Ս. Սարգսյանի հետ: Մեր աղբյուրների փոխանցմամբ՝ Բյուրոյի նախկին անդամներ և ՀՅԴ կարկառուն ներկայացուցիչներ Դավիթ Լոքյանն ու Լևոն Մկրտչյանն այս անգամ այդ մարմնի կազմում չեն ընդգրկվել այն պատճառով, որ առաջիկայում նրանք պաշտոններ կստանան: Մամուլի հրապարակումների համաձայն՝ Լ. Մկրտչյանը Վահան Հովհաննիսյանի փոխարեն Գերմանիայում կնշանակվի ՀՀ դեսպան: Շրջանառվում է նաև այն լուրը, թե ՀՅԴ-ն կոալիցիա կկազմի ՀՀԿ-ի հետ: Իհարկե, չի բացառվում, որ պաշտոններ ստանան նաև առանց կոալիցիա կազմելու՝ հատկապես, որ վերջերս ՀՅԴ նախկին պատգամավոր Արա Նռանյանը ԵՏՄ հանձնաժողովում նշանակվեց ՀՀ ներկայացուցիչը:

Հիշեցնենք, որ ՀՅԴ-ի Ընդհանուր ժողովի սկսվելու օրերին հաղորդագրություն տարածվեց, որ Լոռու մարզի Սպիտակի կոմիտեի մի շարք դաշնակցականներ դուրս են գալիս այդ կառույցից, քանի որ կուսակցությունը շեղվել է իր առաքելությունից: Նրանք նաև նշել էին, թե ցանկանում են միանալ Հիմնադիր խորհրդարանին:

Անցած շաբաթ ՀՅԴ-ն հայտարարություն էր տարածել, թե դա մեծ սադրանք էր, և որ ՀՅԴ-ի Սպիտակի կոմիտեն նման անդամներ չունի: Այսօր արդեն այդ անդամները տեսանյութ են հրապարակել, որով ցանկանում են ապացուցել իրենց գոյությունն ու նախորդ հաղորդագրության իսկությունը:

«Այս որոշումը շատ շուտվանից է բոլորիս մոտ հասունացած եղել՝ կապված կուսակցության քաղաքական ուղեգծի հետ, որի հետ լիովին անհամաձայն եմ: Կուսակցությունը վեր է ածվել իշխանությունների շահերը սպասարկող կառույցի: Հիմնականում ըմբոստ մասսան դուրս եկավ ՀՅԴ-ից: Ցավալի է, որ կուսակցական ընկերները չեն զանգում՝ հարցնեն, թե ինչո՞ւ եք դուրս եկել»,- տեսանյութում ասում էր ՀՅԴ-ն լքած Արմեն Լամբարյանը:

«Ֆեյսբուքում» նույնպես քննարկվում են ՀՅԴ-ում գոյություն ունեցող մթնոլորտը և վերջին իրադարձությունները: Hrach Kaloustian օգտատերը Ազատ Դաշնակցականներ օգտատիրոջ էջում այսպիսի գրություն է թողել. «Եթե Հրանտի նմանները չլինեին, հիմի Դաշնակցությունը առաջին կուսակցությունը կլիներ, մեր 110 տարվա ձեռքբերումները 13 տարվա մեջ խորտակեցին նախագահների պնակից մի ոսկոր պոկելու համար»:

«Մեր ունեցած տեղեկություններու համաձայն՝ ներկա Բյուրոյի ղեկավարն իր շուրջը հավաքած է իրեն երկրպագող ընկերներու, որոնք իրենց շրջաններու մեջ ընդհանրապես սիրուած և հարգուած չեն: Մենք շուտով պիտի հրապարակենք շատ կարևոր բացայայտումներ այդ ընկերներու մասին, որոնք արժանի չեն ՀՅԴ բյուրոյի անդամ դառնալու»,- նշված է Ազատ Դաշնակցականներ օգտատիրոջ էջում:

Բաժիններ
Ուղիղ
Լրահոս
Որոնում