Լուսանկարը, որում իբր թե Վենեսուելայի նախագահ Ուգո Չավեսն է վիրահատական սեղանի վրա, և որը Gtres Online գործակալությունից գնվել է 30 հազար եվրոյով ու հրապարակվել հինգշաբթի իսպանական El Pais թերթում, դեռևս հունվարի 21-ին ցուցադրվել և պարզաբանվել է Վենեսուելայի պետական հեռուստատեսության՝ VTV-ի Dossier հաղորդման ժամանակ: Այս մասին հայտնում է RIA Novosti-ն:
Ծրագրի հաղորդավար Վալտեր Մարտինը դեռևս այդ ժամանակ հայտնել էր, որ հունվարի սկզբից ընդդիմադիրների կողմից տարածված լուսանկարը վերցված է 48-ամյա հիվանդի վիրահատության տեսանյութից, որը 2008 թվականին տեղադրվել է Youtube-ում:
Լուսանկարն առաջարկվել է տարբեր պարբերականների
ն: Իսպանական El Mundo-ն հրաժարվել է դրանից, քանի որ խմբագրակազմը որոշել է, որ «Չավեսը նույնպես ունի սեփական արժանապատվության իրավունք»:
Սկանդալի պատճառով El Pais-ն ջնջել է լուսանկարը իր համացանցային ռեսուրսից և կրկին տպել թերթի հինգշաբթի օրվա համարը, թեև տպաքանակի մի մասն արդեն վաճառքում էր հայտնվել:
Վենեսուելայի Կապի և տեղեկատվության նախարար Էռնեստո Վիլյեգասը Twitter-ի իր էջում գրել է. «Թերթը կհրապարակե՞ր որևէ եվրոպացի առաջնորդի կամ իր գլխավոր խմբագրի նման լուսանկարը»: Թերթի հրապարակումը քննադատել է նաև Արգենտինայի նախագահը: