Թագավոր Աբդալլա բեն Աբդել Ազիզ Ալ Սաուդի մահից հետո Սաուդյան Արաբիան կարող է ավելացնել նավթի արդյունահանման ծավալները, իսկ նոր միապետ Սալմանը կշարունակի Աբդալլայի ընտրած կուրսը և անցումային ղեկավար կդառնա: Այս մասին գրում է բրիտանական Telegraph պարբերականը:
Փորձագետները փոփոխություններ չեն սպասում Էր-Ռիյադի ռազմավարական կուրսում, սակայն մասնագետները չեն բացառում, որ նոր միապետը կարող է սկսել նոր դաշնակիցներ որոնել:
«Սալման թագավորը պետք է դիտարկվի որպես անցումային միապետ: Նավթային շուկաների համար դա նշանակում է, որ այնտեղ ավելի շատ սաուդյան նավթ կմատակարարվի: Չնայած ճնշմանը Նավթ արտահանող երկրների կազմակերպության (ՕՊԵԿ) ներսում և վերջին 6 ամսում 50%-ով նավթի էժանացման հանգեցրած քաղաքականությունը մեղամացնելու կոչերին՝ պետք է սպասել, որ նոր միապետը կիրագործի իր նախորդի ընտրած ռազմավարությունը: Սաուդյան Արաբիան ավելի կոշտ ձևով կճնշի նավթային շուկաներում իր մրցակիցներին»,- ասվում է պարբերականի խմբագրական մեկնաբանության մեջ:
Աղբյուրներն ՕՊԵԿ-ում ենթադրում են, որ ընթացիկ տարում Սաուդյան Արաբիան նավթի արդյունահանումն օրական 9,2 մլն բարելից կավելացնի մինչև 10,5 մլն բարել:
