Քննարկման համար Դայան Ֆայնսթայնի կողմից Սենատ է ներկայացվել օրինագիծ, որով արգելվում է ավելի քան 150 տեսակի մարտական տարրերով կիսաավտոմատ զենքերի արտադրությունն ու վաճառքը։
Օրինագծին դեմ է արտահայտվել Սենատում դեմոկրատական մեծամասնության ղեկավար Հարրի Րիդը, ով Ազգային հրազենային ասոցիացիայի ցմահ անդամ է։ Հանրապետականներից ոչ ոք չի աջակցում օրինագծին։
Հրազենի վաճառքի սահմանափակման վերաբերյալ վեճերը առանձնակի սրվել են դեկտեմբերին Քոննեքթիկուտ նահանգի դպրոցներից մեկում կատարված ողբերգությունից հետո, երբ Ադամ Լանցը սպանել էր 20 երեխայի և 6 չափահասի։ Այս միջադեպից հետո նախագահ Օբաման Կոնգրեսին կոչ է արել հրազենի առքուվաճառքը սահմանափակող օրինագիծ մշակել՝ երկրում բռնությունների մակարդակը իջեցնելու համար։
