Իտալացի «պապարացիների թագավոր» Ֆաբրիցիո Կորոնը հունվարի 23-ին հանձնվել է Պորտուգալիայի իշխանություններին, երեք օր անց այն բանից հետո, երբ նրան մեղադրել են շանտաժի մեջ: Այս մասին տեղեկացրել է La Repubblica-ն:
Հունվարի 18-ին 38-ամյա Կորոնը դատապարտվել է հինգ տարվա ազատազրկման շանտաժի մեղադրանքով: Ֆրանսիացի ֆուտբոլիստ Դավիդ Տրեզեգեն մեղադրել է Կորոնին այն բանում, որ լուսանկարիչը նրանից 25 հազար դոլար է կորզել: Դրա փոխարեն լուսանկարիչը խոստացել է Տրեզեգեին չհրապարակել լուսանկարը, որտեղ նա գիշերային ակումբից դուրս է գալիս մի կնոջ հետ: Վճռի հրապարակումից առաջ Կորոնը, ով հերքում էր մեղադրանքները, թաքնվել էր:
Հունվարի 21-ին Իտալիայի իշխանությունները Կորոնին ձերբակալելու որոշում էին կայացրել: Սակայն փետրվարի 23-ին Կորոնը հանձնվել է Պորտուգալիայի իշխանություններին: Լուսանկարչի փաստաբանը հայտարարել է, որ փախել է, քանի որ վախենում է, որ իտալական բանտում իր կյանքին վտանգ է սպառնում: Փախուստի համար նրա ազատազրկումը կերկարաձգվի ևս երկու տարի 10 ամսով:
2009թ-ին շանտաժի համար Կորոնին դատապարտվել էր երեք տարի ութ ամսվա ազատազրկման: Ճաղերից այն կողմ նա ընդամենը 77 օր է անցկացրել, որից հետո տեղափոխվել է տնային կալանքի: Այդ ժամանակ նրա զոհն էր դարձել Սիլվիո Բեռլուսկոնիի դուստրը՝ Բարբարան, «Ինտերի» ֆուտբոլիստներ Ադրիանոն, Ֆրանչեսկո Կոկոն և այլ հայտնի մարդիկ: Բանտից դուրս գալուց հետո Կորոնը ինքնակենսագրական գիրք է գրել «Իմ բանտը» վերնագրով:
