Ամերիկացի հանրապետական սենատոր Ջոն Մաքքեյնը կարծում է, որ եթե ԱՄՆ-ին ու ՆԱՏՕ-ին չհաջողվի մեծացնել ռազմական ներկայությունը Բալթյան երկրներում, ապա դա կարող է հանգեցնել Հյուսիսատլանտյան դաշինքի կոլապսին: Այս մասին գրում է Ria Novosti-ն:
«Եթե նրանք (Ռուսաստանը) առաջ շարժվեն դեպի Բալթիկա… և այնտեղ պաշտպանություն չլինի, ես կասկածում եմ, որ որևէ արձագանք լինի: Եվ դա կլինի ՆԱՏՕ-ի վերջը»,- ասել է Մաքքեյնը:
Նա հստակեցրել է, որ «պաշտպանություն» կոնցեպցիան նշանակում է ԱՄՆ-ի և ՆԱՏՕ-ի զորքերի տեղակայում՝ կասեցնելու համար Ռուսաստանի հնարավոր ներխուժումը այն երկրներում, որոնք ընդհանուր սահման ունեն այդ երկրի հետ: