ԱՄՆ տրանսպորտի նախարար Էնթոնի Ֆոքսը բացակայել է երեքշաբթի ԱՄՆ նախագահ Բարաք Օբամայի՝ կոնգրեսին ուղղված ամենամյա ուղերձի ժամանակ, որպեսզի արտակարգ դեպքի պարագայում փոխարինի երկրի նախագահին: Այս մասին գրում է Ria Novosti-ն՝ վկայակոչելով Սպիտակ տանը:
Օբաման Կոնգրեսին է դիմել Վաշինգտոնի ժամանակով ժամը 21:00-ին: Միջոցառմանն ավանդաբար ներկա են գտնվել փոխնախագահը, կաբինետի անդամներ և կոնգրեսի ամբողջական կազմը՝ 538 պատգամավոր:
Ահաբեկչական գործողության, միջուկային պատերազմի կամ այլ արտակարգ դեպքի պարագայում, որը կարող է ոչնչացնել ԱՄՆ առաջնորդին, ավանդաբար կաբինետի անդամներից մեկը բացակայում է կոնգրեսում պետության ղեկավարի ելույթի ժամանակ: Այդ նախարարին տանում են գաղտնի թաքստոց, և նա պատրաստ է ստանձնել նախագահի պարտականությունները՝ երկրի ղեկավարի մահվան դեպքում: