5-ամյա անգլիացուն հաշիվ է ներկայացվել այն բանի համար, որ նա չի ներկայացել համադասարանցու ծննդյան տարեդարձին: Այս մասին հայտնում է UPI-ը:
Պլիմուտ քաղաքից Ալեքս Նեշը պատրաստվել է գնալ միջոցառմանը, որը պետք է տեղի ունենար դեկտեմբերին լեռնադահուկային առողջարանային վայրում, սակայն վերջին պահին նրա ծնողները հիշել են, որ այդ օրն իրենք հյուր են գնում տատիկին ու պապիկին և չեղարկել են որդու այցը:
Շաբաթներ անց տղան դպրոցից վերադարձել է 14.95 ֆունտի կտրոնով (մոտ 24 դոլար), որը ստորագրված է եղել համադասարանցու մոր՝ Ջուլի Լոուրենսի կողմից: Նշվում է, որ այդ գումարը ընտանիքը վճարել է Ալեքսի չկայացած այցի համար:
Ալեքսի հայրը՝ Դերեք Նեշը, սկզբում կարծել է, որ դա պարզապես կատակ է, սակայն տեքստը կարդալով հասկացել է, որ հաշիվն իսկապես սահմանվել է: Նա հայտնել է, որ ինքը փորձել է Լոուրենսների ընտանիքին նախազգուշացնել որդու բացակայության մասին, սակայն չի գտել նրանց հեռախոսահամարը:
Այն բանից հետո, երբ Դերեքը հրաժարվել է վճարել, Լոուրենսների ընտանիքը որոշել է դատարան դիմել:
