Փեթ Էքինսը 28-ամյա Իբրահիմ Հալինի հետ ծանոթացել է թուրքական Մարմարիս հանգստավայրում: Նա ստեղծել է բուռն հարաբերությունների պատկեր՝ հասկանալով, որ կինը դյուրահավատ է և իրեն մեծ ավար է սպասվում:
Ալֆոնսը տիկին Էքինսին պատմել է իր սիրո մասին, հավաստիացրել, որ իր զգացմունքները կնոջ հանդեպ մեծ ու մաքուր են: Նա պատմել է բար բացելու իր երազանքի մասին, սակայն ասել է, որ դրա համար ինքը միջոցներ չունի, չնայած որ շատ կցանկանար իրենց համար անհոգ ապագա ապահովել:
Միամիտ և խելագարի պես սիրահարված Փեթը դուստրերից և նախկին ամուսնուց գաղտնի կարողացել է վաճառել 70.000 ստեռլինգ արժողությամբ տունը:
Փողերը վերցնելով՝ նա մեկնել է Թուրքիա իր սիրելի «տղայի» մոտ:
«Նա ասաց, որ պետք է դուրս գա ինչ-որ փաստաթղթեր ստորագրելու համար: Դրանից հետո ես չեմ տեսել ո՛չ նրան, ո՛չ էլ փողերը», – ասում է նա:
Ընկերներից մեկի օգնությամբ նա կարողացել է վերադառնալ տուն, սակայն ընտանիքը հրաժարվել է նրան ընդունել: Դրանից հետո Փեթը քնել է դրսում, սնունդ է հայթայթել աղբամաններից:
