Կալիֆոռնիա նահանգի Կամբրիա փոքրիկ քաղաքում բավական անսովոր տուն կա, որը կառուցվել է բացառապես աղբից: Nit Wit Ridge անունով շենքը նույնիսկ տեսարժան վայր է դարձել, որը հպարտորեն ցուցադրում են զբոսաշրջիկներին, հայտնում է fedpost.ru-ն:
Տունը կառուցել է Արթուր Հարոլդ Բիլը, նա շատ է սիրել տարատեսակ թափոն հավաքել, որից ոչ մի կերպ չի կարողացել բաժանվել: Ժամանակի հետ աղբի կույտն այնքան էր ավելացել, որ սպառնում էր հավաքածուի տիրոջը:
Բիլը որոշել է անպետք իրերից իսկական տուն կառուցել: Nit Wit Ridge-ն ստեղծելու համար Արթուրից պահանջվել է գործնականորեն նրա ամբողջ կյանքը. նա նախկինում նման բանով չի զբաղվել, մենակ է աշխատել: Միայն քլունգով, բահով և ուժեղ ձեռքերով նա ամենաանսովոր հիմք է գցել. հսկայան փոս է փորել, հետո այն լցրել աղբով:
Տան «շինանյութի» համար նա մաքրել է հարազատ քաղաքի փողոցները, քարեր, գարեջրի ամաններ, ավտոմեքենաների մասեր. ահա այն ամենի մի մասը, ինչ նա օգտագործել է որպես շինանյութ:
Ամերիկացու մի քանի տասնամյակ տևած համառ աշխատանքն իր պտուղներն է տվել:
Ցավոք, Nit Wit Ridge-ի ստեղծողը մահացել է 96 տարեկանում. նա հիվանդ է եղել:
1999-ին տան տերերը դարձել են Մայքլ և Սթեյսի Օ’Մելլիները, որոնք նախապես գրանցում են տունը տեսնել ցանկացող զբոսաշրջիկներին, հետո հաճույքով նրանց համար աղբե տանն էքսկուրսիա են կազմակերպում:
