ԱՄՆ պետքարտուղար Հիլարի Քլինթոնն այսօր հանդես կգա Սենատի միջազգային կոմիտեի և Կոնգրեսի Ներկայացուցիչների պալատի անդամների առջև՝ նրանց պատմելով Լիբիայի Բենղազի քաղաքում 2012 թ. սեպտեմբերին տեղի ունեցած ողբերգության մասին՝ ներկայացնելով ԱՄՆ դեսպան Քրիստոֆեր Սթիվենսի մահվան հանգամանքները:
Անհայտ անձինք 2012 թ. սեպտեմբերի 11-ին կրակել էին Բենղազիում ԱՄՆ դեսպանության շենքի վրա: Հարձակման հետևանքով դեսպանը, դեսպանատան մեկ աշխատակից և 2 նախկին հատուկջոկատայիններ զոհվել էին:
Այդ դեպքը նյարդայնացրել էր Կոնգրեսի անդամներին, որոնք Քլինթոնից հաշիվ էին պահանջել՝ ներկայացնել, թե ինչ է արել պետդեպարտամենտը, որպեսզի թույլ չտա ողբերգությունը,- հայտնում է RIA Novosti-ն:
Սենատի կոմիտեից հայտնում են, որ Քլինթոնի մասնակցությամբ լսումները կսկսվեն տեղական ժամանակով ժամը 9.00-ին (Երևանի ժամանակով՝ 18.00-ին), նիստը նախագահելու է սենատոր Ռոբերտ Մենենդեսը:
Ներկայացուցիչների պալատի միջազգային կոմիտեում լսումները կսկսվեն տեղական ժամանակով ժ. 14.00-ին (Երևանի ժամանակով՝ 23.00-ին):
