«Իզվեստիա» թերթի վկայություններով՝ «օրենքով գող» Դեդ Հասանի սպանությունը կազմակերպել են նրանք, ովքեր ցանկացել են վրեժ լուծել քրեական հեղինակություն Վյաչեսլավ Իվանկովի (Յապոնչիկի)սպանության համար: 4 տարի առաջ կատարված այդ հանցագործությունը պառակտել է քրեական աշխարհը:
Իվանկովի հուղարկավորությանը «օրենքով գող» Ալեքսեյ Սուվորովը (Պետրիկ)խոստացել էր լուծել եղբոր վրեժը, ընդ որում՝ դա անել ստորացուցիչ միջոցով: Քրեական հեղինակության նախազգուշացմամբ՝ պատվիրատուն պետք է սպանվերորովայնին հասցված կրակոցից: Երբ Ասլան Ուսոյանի դեմ տեղի ունեցավ առաջին մահափորձը, նրան փրկեց ավելորդ քաշը.փամփուշտն անցել էր ճարպային հյուսվածքների միջով:
Պարբերականի աղբյուրները նշում են, որ սլավոն քրեական հեղինակությունները, մասնավորապես Ա.Սուվորովը, չեն մասնակցել Դեդ Հասանի հուղարկավորությանը: Ուսոյանին հրաժեշտ տալու էին հավաքվել միայն Կովկասի հետ կապ ունեցող կազմակերպված հանցավոր խմբերի ներկայացուցիչները: 1990-ականներին Պետրիկը, որի իսկական ազգանունը ոչ թե Սուվորով է, այլ Պետրով, հայտնի է եղել որպես կովկասյան հանցավոր խմբավորումների հետ բախումների մասնակից:
Ոստիկանության տվյալներով՝ վերջին տարիներին Դեդ Հասանի և Պետրիկի միջև հակամարտությունը սրվել էր: 2012-ին քրեական հեղինակությունների ժողովի ժամանակ Ուսոյանի կողմնակիցները մեղադրել են Սուվորովինգողական շարժման շահերին դավաճանելու մեջ:
Միևնույն ժամանակ, շրջանառվում են Ուսոյանի սպանությաննաև այլ պատվիրատուների մասին վարկածներ: Մասնավորապես, շոշափվում են Ադրբեջանից «օրենքով գողեր» Ռովշան Ջանիևի և Մերաբ Ջանգվելաձեի անունները:
Հիշեցնենք, որ Ուսոյանը սպանվել է հունվարի 16-ին Մոսկվայի Պովարսկայա փողոցի ռեստորաններից մեկից դուրս գալիս: Փաստի առթիվ հարուցվել է քրեական գործ՝ սպանության, սպանության փորձի և զենքի անօրինական շրջանառության հոդվածներով: