ՌԴ վարչապետ Դմիտրի Մեդվեդևի գրաֆիկն ավելի հարմար է Դավոսում հունվարի վերջին կայանալիք համաշխարհային տնտեսական համաժողովին մասնակցելու համար, քան նախագահ Վլադիմիր Պուտինի գրաֆիկը: Այս մասին հայտնում է BBC-ն՝ հղում անելով ՌԴ փոխվարչապետ Արկադի Դվորկովիչին:
Փոխվարչապետի խոսքով՝ համաժողովի աշխատանքի առաջին օրը՝ հունվարի 23-ին, ՌԴ կառավարության ղեկավարը հանդես կգա ընդլայնված ելույթով՝ նվիրված Ռուսաստանում իրադարձությունների զարգացման այսօրվա սցենարներին, համաշխարհային տնտեսության մեջ Ռուսաստանի դերին, ինչպես նաև մի քանի խոսք կասի «Մեծ քսանյակում» Ռուսաստանի նախագահության առաջնահերթությունների մասին:
Դավոսում ծրագրված է նաև Մեդվեդևի հանդիպումը Մեծ Բրիտանիայի վարչապետ Դևիդ Քեմերոնի, Շվեյցարական համադաշնության նախագահ Ուլի Մաուրերի հետ: