Նախօրեին ԵԽԽՎ-ում ելույթի ժամանակ Վրաստանի նախագահ Միխեիլ Սաակաշվիլին հայտարարել է, որ Վրաստանը ՆԱՏՕ-ին և ԵՄ-ին անդամակցելուն այլընտրանք չունի:
Սաակաշվիլին քննադատել է Վրաստանի վարչապետ Բիձինա Իվանաշվիլիի հայտարարությունը ՆԱՏՕ-ի վերաբերյալ և հայտարարել, որ Վրաստանը որոշել է դառնալ Հյուսիսատլանտյան դաշինքի անդամ:
«Վրաստանը որոշում է կայացրել դառնալ ՆԱՏՕ-ի անդամ: Սակայն վերաբերմունքն ու ինտեգրումը տարբեր բաներ են: Վարչապետը փաստացիորեն հրաժարվեց ՆԱՏՕ-ին անդամակցելուց: Ես չեմ կարծում, որ Վրաստանը պետք է հրաժարվի ՆԱՏՕ-ին ինտեգրվելուց և լավ հարբերություններ ունենա Ռուսաստանի հետ: Չպետք է զոհաբերել համաշխարհային ինտեգրացիայի մակարդակը և երկու երկրների միջև սովորական հարաբերությունները»,- մեջբերում ITAR-TASS-ը Սաակաշվիլիի խոսքերը: Նրա խոսքերով՝ վրացիները քվեարկել են հօգուտ կառավարության, այլ ոչ թե ԵՄ կառույցներին ինտեգրվելու դեմ:
Մեկնաբանելով Վրաստանի նախագահ Միխեիլ Սաակաշվիլիի ելույթը՝ ԵԽԽվ-ում Ռուսաստանի պատվիրակության ղեկավար Ալեքսեյ Պուշկովը նշել է, որ այն կրել է պոպուլսիտական բնույթ: «Սաակաշվիլին արեց ամեն ինչ՝ լսարանին դուր գալու համար»,-նշել է Պուշկովը և հավելել, որ նա խոսել է ՆԱՏՕ-ին անդամակցելու ցանկության մասին, սակայն խուսափել է այն հարցերից, որոնք տալիս է և դեռևս կտա նրա ժողովուրդը:
ՌԴ պատվիրակության ղեկավար նշել է, որ գրեթե անպատասխան մնացին մարդու իրավունքների ոտնահարման խնդիրները, «վրացական բանտերում կտտանքների համար պատասխանատվությունը» և այլն:
