Նախօրեին, ԱՄՆ-ի Հայ ազգային կոնգրեսի ամերիկյան գրասենյակը տարածել է հայտարարություն` հորդորելով զանգահարել Երեւանում եւ Հայաստանում բնակվող բարեկամներին, հարազատներին, ընկերներին եւ ծանոթներին, քաջալերելով նրանց մասնակցելու 2011 թ. ապրիլի 8-ին, Երեւանի Մատենադարանին կից հրապարակում անցկացվելիք հանրահավաքին եւ երթին:
«Այսօրվա հրամայականն է, որ սփյուռքում բնակվող հայերը, հեւտեւողական մասնակցություն ունենան ՀՀ քաղաքացիների ազատությունների եւ իրավունքների պաշտպանությանն ուղղված համաժողովրդական շարժմանը, որ անհանդուրժող լինեն Հայաստանի Հանրապետության յուրաքանչյուր քաղաքացու ազատությունների եւ իրավունքների խախտման ցանկացած դրսեւորման նկատմամբ»,-ասված է հայտարարության մեջ:
«Սիրելի հայրենակիցներ, վերոնշված խնդիրների լուծումը հնարավոր է միմիայն ավազակապետական իշխանությունների հեռացման եւ ընտրությունների միջոցով ժողովրդական իշխանության ձեւավորման դեպքում: Հայաստանի Հանրապետության փաստացի իշխանությունները պարտավոր են ընդառաջ գնալու ՀՀ քաղաքացիների եւ համայն հայության արդարացի եւ օրինական պահանջին` օր առաջ հրաժարվելու մեր հասարակության եւ պետության զարգացմանը խոչընդոտող հակաժողովրդական քաղաքականությունից, սեփական կամքով ժողովրդին վերադարձնելու բռնությամբ վերցված իշխանությունը»,- հայաստանցի իրենց ազգակիցներին դիմում են հայտարարության հեղինակները:
ՊԱՅՔԱՐ, ՊԱՅՔԱՐ ՄԻՆՉԵՎ ՎԵՐՋ…