Եվրոգոտու խոշորագույն տնտեսություններն ունեցողԳերմանիան և Ֆրանսիան այսօր նշում են Ելիսեյան պայմանագրի 50-ամյակը, որը դարձել է կարևոր անկյունաքար ոչ միայն երկկողմ համագործակցության, այլև եվրաինտեգրման ողջ գործընթացի համար: Այսօր Բեռլինում կկայանան գերմանա-ֆրանսիական գագաթնաժողով, ինչպես նաև խորհրդարանների և կառավարությունների ներկայացուցիչների համատեղ հանդիպումներ, որոնց օրակարգային գլխավոր թեման Մալիում տիրող իրավիճակն է: Այնտեղ Փարիզը լայնածավալ ռազմական օպերացիա է անցկացնում: Այս մասին հայտնում է RIA Novosti-ն:
Համագործակցության պայմանագիրը, որը ամրապնդեց Գերմանիային և Ֆրանսիայի հետպատերազմական հաշտեցումը, 1963 թվականի հունվարի 22-ին ստորագրվել է Ելիսեյան պալատում Շառլ դը Գոլի և Կոնրադ Ադենաուերի կողմից: Փաստաթուղթը պարտավորեցրել է երկու երկրների իշխանություններին կանոնավոր կերպով արտաքին քաղաքականության, անվտանգության հարցերի, ինչպես նաև երիտասարդության և մշակութային քաղաքականության հարցերին ուղղվածխորհրդակցություններ անցկացնել:
Ֆրանսիայի նախագահ Ֆրանսուա Օլանդը Բեռլինում է: Երեկ երեկոյան նա Գերմանիայի կանցլեր Անգելա Մերկելի հետ համատեղ հանդիպում է անցկացրել գերմանացի ու ֆրանսիացի ուսանողների և երիտասարդ մասնագետների հետ:
