«Սանթոս»-ի հարձակվող Նեյմարը բրազիլացի լրագրողներին հայտնել է, որ երազում է մեծ հաջողություններ գրանցել իր պրոֆեսիոնալ կարիերայում:
Երիտասարդ ֆուտբոլիստը, մասնավորապես, նշել է, որ երազում է Բրազիլիայի ազգային հավաքականի կազմում 2014 թվականին աշխարհի չեմպիոն դառնալ:
«Ինձ դեռևս շատ բան չի բավարարում ֆուտբոլում: Օրինակ` երազում եմ ազգային թիմի կազմում աշխարհի չեմպիոն դառնալու մասին: Բացի այդ, ցանկանում եմ հանդես գալ եվրոպական գրանդներից մեկում: Չեմ շտապում և դեռևս բավարարվում եմ ֆուտբոլից հաճույք զգալով»,- նշել է Նեյմարը:
Ավելի վաղ հայտարարել էինք, որ ֆուտբոլիստի ծառայություններով է հետաքրքրված Մյունխենի «Բավարիա»-ն, որը հաջորդ մրցաշրջանից գլխավորելու է Պեպ Գվարդիոլան:
