ԵԽԽՎ ապրիլյան նստաշրջանում Հայաստանին վերաբերող որևէ հարց չի քննարկվելու: Այս մասին «Առաջին լրատվական»-ին տեղեկացրեց ԵԽԽՎ հայկական պատվիրակության անդամ, ԱԺ «Ժառանգություն» խմբակցության պատգամավոր Զարուհի Փոստանջյանը: Վերջինս կարևորեց ԵԽԽՎ այս նստաշրջանում քննարկվելիք՝ Մարդու իրավունքների հանձնակատար Թոմաս Համմարբերգի զեկույցը: Բացի այդ, քննարկվելու է նաև Վրաստանի կողմից ԵԽԽՎ առաջ ստանձնած պարտավորությունների հարցը: Զարուհի Փոստանջյանի խոսքերով, ԵԽԽՎ այս նստաշրջանին մասնակցելու են նաև Թուրքիայի վարչապետ Էրդողանն ու ԱԳ նախարար Դավութօղլուն:
