Հարավային Կորեայում օդի ջերմաստիճանը վերջին մի քանի տասնամյակների ընթացքում առաջին անգամ իջել է մինչև –10։ Մարդիկ ցրտից պատսպարվելու համար քնում են ջերմությունը պահպանող հատուկ վրաններում, որոնք տեղադրվում են հենց բնակարաններում։ Այս մասին հաղորդում է NHK-ն։
Այդ վրանների ներսում ջերմաստիճանը մոտ 8 աստիճանով բարձր է։
Տեղական կլիմայի համար անսովոր սառնամանիքը համընկել է էներգետիկ ճգնաժամի հետ։ ԱԷԿ-ների 23 ռեակտորներից 3-ի աշխատանքները տեխնիկական պատճառներով դադարեցվել են։ Հարավկորեացիների մեծ մասն աշխատում է տները տաքացնելու համար շատ էլեկտրաէներգիա չծախսել, քանի որ դրա գներն աճում են։
NHK-ի թղթակցի խոսքերով՝ նմանօրինակ վրանների պահանջարկն այնքան է աճել, որ արտադրող ձեռնարկությունը չի կարողանում հասցնել համապատասխան ծավալի արտադրանք ապահովել։
