Աֆղանստանում ոստիկանությունը ստիպված է եղել զենք կիրառել ցուցարարների դեմ, երբ նրանք փորձել են գրոհել Քանդահարում ՄԱԿ-ի գրասենյակի վրա: Այս մասին հաղորդում է Reuters գործակալությունը: Ըստ լրագրողների` Քանդահարում սպանվածների թիվը կարող է հասնել մի քանի տասնյակի։ Reuters-ի տեղեկություններով, զոհերի թիվն անցել է 100-ից: Ոստիկանները կրակ են բացել գնդացիրներից: Նույն օրը առավոտյան ոստիկանությանը հաջողվել էր մեծ դժվարությամբ հետ մղել հարձակումը, որի հետևանքվ 9 մարդ էր զոհվել:
Վերջին օրերին իրավիճակը Աֆղանստանում ծայր աստիճան սրվել է այն բանից հետո, երբ մարտի 20-ին Ֆլորիդայում քրիստոնյա հոգևորական Թերի Ջոնսն այրել է Ղուրանը: Դրանից հետո ավելացել են հարձակումներն օտարեկրյա և միջազգային ներկայացուցչությունների վրա: Շաբաթ օրը Մազարի Շարիֆ քաղաքում սպանվել է 12 մարդ, որոնց մեջ եղել են Նորվեգիայի, Շվեդիայի, Նեպալի քաղաքացիներ: Նրանցից երկուսը գլխատվել էին:
Չնայած այս ողբերգական զարգացումներին՝ Թերի Ջոնսը պատրաստվում է հերթական սադրանքին: Նա ապրիլի 22-ին Միչիգան նահանգի Դիրբորն քաղաքում բողոքի ակցիա է անցկացնելու ԱՄՆ ամենամեծ մզկիթի մոտ:
