ԱՄՆ-ում 92 տարեկան հասակում մահացել է աշխարհի ամենաազդեցիկ և հայտնի PR գործակալություններից մեկի՝ «Էդելմանի» հիմնադիրը՝ Դենիել Էդելմանը:
Ինչպես հայտնում է նրա որդի Ռիչարդը՝ հայրը մահացել է երեքշաբթի՝ սրտի անբավարարության հետևանքով:
Ի սկզբանե 1952-ին ստեղծված Էդելմանի ընկերությունն ունեցել է ընդամենը մի քանի հաճախորդ: Հիմա գործակալությունը ամբողջ աշխարհում 66 գրասենյակ ունի, որոնցում աշխատում է ավելի քան 4,5 հզ մարդ: Նրա հաճախորդներից են Microsoft-ը, Pfizer-ը, Wal-Mart-ը, Royal Dutch Shell-ը, Starbucks-ը:
Ավելի քան տասը տարի առաջ ընկերության ղեկավարման բոլոր լիազորությունները Էդելմանը հանձնել էր որդուն՝ Ռիչարդին, սակայն դա բոլորովին չէր նշանակում, որ նա հեռացել էր գործերից: Նա ամեն օր զանգում էր որդուն՝ գործակալության գործերը իմանալու և խորհուրդներ տալու:
