Սիրիացի ժողովուրդը այս դժվարին իրավիճակը կանցնի հաղթանակով։ Այսմասինասել է Իրանի նախագահ Մահմուդ Ահմադինեժադը՝ Սիրիայի վարչապետ Վաել Ալ-Հալքիի հետ հանդիպման ժամանակ,- փոխանցում է IRNA գործակալությունը:
Նրա խոսքերով՝ հակամարտության դադարեցումից, ազգային հաշտեցումից և Սիրիայում ընտրությունների անցկացումից բացի, չկա այլ ճանապարհ:
«Մենք աղոթում ենք, որպեսզի Սիրիայում որոշակի ուժերի ձևավորած քաոսային իրավիճակը ավարտվի սիրիացի ժողովրդի հաշտությամբ»,-ասել էԻրանի նախագահը:
Ահմադինեժադը տարբեր ոլորտներում Թեհրանի և Դամասկոսի միջև կապերի ընդլայնման կոչ է արել և հայտարարել, որ երկու երկրների համագործակցությունը շահավետ է կողմերի և տարածաշրջանի ժողովուրդների համար:
Ալ-Հալքին իր հերթին զեկույց էներկայացրել երկրում վերջին իրադարձություների մասին և հայտարարել, որ սիրիացի ժողովրդի թշնամիները կենտրոնացել են երկրի տնտեսական ենթակառուցվածքի վրա:
Վարչապետը հավելել է, որ տարբեր ոլորտներում Իրանի նվաճումները հպարտության առարկա են բոլոր անկախ պետությունների համար՝ նշելով, որ սիրիացի ժողովուրդն ուրախ է Իրանի հաջողությամբ և առաջընթացով:
