Մարտի 23-ին Հայ ազգային կոնգերսը հանդես էր եկել հայտարարությամբ, որով կոչ էր արել՝ «սկսել համազգային նախապատրաստություն՝ ապրիլի 8-ի հանահավաքին և հանդես գալ այդ օրվա հանրահավաքի անելիքների վերաբերյալ առաջարկներով»:
«Առաջին լրատվականը» հարց ուղղեց ՀՀ առաջին նախագահ Լևոն Տեր-Պետրոսյանի խոսնակ Արման Մուսինյանին, թե ի՞նչ առաջարկներ է ստացել Հայ ազգային կոնգրեսի կենտրոնական գրասենյակը մինչ այժմ:
«Այս ընթացքում Հայ ազգային կոնգրեսը առաջարկներ է ստացել ինչպես անհատ քաղաքացիներից, Կոնգրեսի տեղական կառույցներում ակտիվիստների քննարկման արդյունքում ձևավորված մոտեցումներից, կուսակցությունների ներսում տեղի ունեցած քննարկումներից, քաղխորհրդում տեղի ունեցած քննարկումներից, ինչու չէ նաև` լրատվամիջոցներում բարձրաձայնված առաջարկներից»,- պատասխանեց Արման Մուսինյանը:
Մեր հարցին, թե առաջարկներն ի՞նչ փուլում են գտնվում, Ա.Մուսինյանը ասաց. «Մենք քննարկում ենք բոլոր առաջարկները, և արդյունքների մասին դուք կտեղեկանաք»: