ԱՄՆ Պետդեպի մամլո քարտուղար Ջեյն Պսակին չորեքշաբի օրը Վաշինգտոնում ճեպազրույցի ժամանակ նորից խոսել է Ադրբեջանում ձերբակալված լրագրող Խադիջա Իսմաիլովայի ճակատագրի մասին: Այս մասին հայտնում է contact.az-ը:
«Մենք խորապես անհանգստացած ենք Ադրբեջանում քաղաքացիական հասարակության ակտիվիստների, ներառյալ՝ լրագրողների նկատմամբ աճող սահմանափակումներով:
Մենք շատ անհանգստացած ենք Խադիջա Իսմաիլովայի նախադատական ձերբակալությամբ: Մենք ծայրահեղ մտահոգ ենք, որ կառավարությունը չի կատարում իր միջազգային պարտավորությունները մարդու իրավունքների ոլորտում:
Մենք Ադրբեջանի կառավարությանը կոչ ենք անում հարգել իր քաղաքացիների համընդհանուր իրավունքները և նրանց թույլ տալ ազատորեն արտահայտել իրենց հայացքները:
Ադրբեջանը կկարողանա ավելի լավ ապահովել իր կայունությունը՝ ավելի ազատ հասարակություն ստեղծելով…»,- ասել է Պսակին: