Բրիտանացի նկարիչը, ով միայն երազում է նկարում, հույս ունի ստանալ մեկ միլիոն ֆունտ-սթեռլինգ իր աշխատանքների հավաքածուի վաճառքի դիմաց` հայտնում է MailOnline-ը:
37-ամյա Լի Հադվին սկսել է երազում նկարել 4 տարեկանից: Նա նկարել է ամերիկացի կինոդերասանուհի Մերիլին Մոնրոյի բազմաթիվ դիմանկարներ:
Ներկայում նկարիչը որոշել է իր աշխատանքները վաճառել eBay-ով ու գոյացած գումարի կեսը տրամադրել Missing Person բարեգործական հիմնադրամին:
Լին արդեն վեցանիշ գումարով վաճառել է իր նկարները, այդ թվում՝ միլիարդատեր Դոնալդ Թրամփին:
«Դա տեղի է ունենում շաբաթը երկու-երեք անգամ, երբ ես վեր եմ կենում անկողնուց ու սկսում քնիս մեջ նկարել: Երբ ես արթնանում եմ, գիտեմ, որ ինչ-որ բան եմ արարել, բայց թե ինչ՝ չգիտեմ»,- ասում է նկարիչը:
Նկարիչը սարսափելի գլխացավով է արթնանում գիշերային նկարչությունից հետո: Նա հաճախ է հիվանդանում դրանից հետո:
