Համացանցում հայտնվել են տեղեկություններ Վրաստանի կառավարության ղեկավար Բիձինա Իվանիշվիլիի ծրագրերի մասին, որոնք վերաբերում են մինչև 2016թ. հանրապետության ռազմական ծախսերին:
Scout-thedeaddistrict.blogspot.ru կայքի հեղինակը ներկայացրել է մինչև 2016թ. Վրաստանի պաշտպանության ծախսերի վերաբերյալ Իվանիշվիլիի նոր ծրագրերի մասին տեղեկություններ: Բացի այդ, տեղեկություններ են առկա նաև 2013թ. «Դելտա» պետական գիտա-տեխնիկական կենտրոնի ֆինանսավորման վերաբերյալ:
Այդ տվյալների համաձայն՝ Վրաստանի ֆինանսների նախարարությունը 2013թ. «Դելտայի» ֆինանսավորման համար հատկացրել է շուրջ 27.12 միլիոն լարի, ինչը 31.7 միլիոն լարիով ավելի շատ է, քան 2012թ.:
2013թ. հաստատված բյուջեի հիման վրա Վրաստանի պաշտպանության նախարարության ընդհանուր ծախսը կազմելու է 423.3 միլիոն դոլար, ինչը 19.65 միլիոն դոլարով ավելի քիչ է, քան խնդրել էր Իվանիշվիլիի կառավարությունը:
Սաակաշվիլիի ղեկավարության ներքո 2012թ. բյուջեն երկրի պաշտպանության ծախսերի համար հաստատել էր 443.43 միլիոն դոլար, չնայած փաստացիորեն 2012թ. ծախսվել է 478.54 միլիոն դոլար:
Վրաստանի նոր կառավարությունը նախատեսում է մինչև 2014թ. պաշտպանության նախարարության ծախսերը մեծացնել մինչև 485.5 միլիոն դոլար, 2015թ.՝ մինչև 491.25 միլիոն դոլար, իսկ 2016թ.՝ մինչև 524 միլիոն դոլար:
