Բահրեյնի դատարանն իրավապաշտպան Զեյնաբ ալ-Հավաժին երեք տարվա ազատազրկման է դատապարտել և խոշոր չափով տուգանել է թագավորին վիրավորելու համար, ում լուսանկարը նա դատարանում պատռել է, հիգշաբթի օրը լրագրողներին հայտնել է ալ-Հավաժի փաստաբան Մուհամմեդ ալ-Վուստան, գրում է RIA Novosti-ն:
Իրավապաշտպանի դատը կայացել է նրա ծննդաբերությունից ընդամենը վեց օր անց:
Իրավապաշտպանը բանտից այս տարվա փետրվարին էր դուրս եկել, որտեղ նա մեկ տարի էր անցկացրել մի շարք մեղադրանքների պատճառով, այդ թվում՝ բողոքի անօրինական ակցիաներին մասնակցելու և ոստիկանության աշխատակիցներին վիրավորեու համար:
Նրա հայրը՝ ընդդիմադիր գործիչ Աբդելհադի ալ-Հավաժը, ցմահ բանտարկության է դատապարտվել 2011-ին շիաների հակակառավարական ակցիաներին մասնակցելու համար: Զեյնաբի քույրը՝ Մարյամ ալ-Հավաժը, ով Պարսից ծոցի երկրների մարդու իրավունքների կենտրոնի տնօրենն է, երկուշաբթի օրը նույնպես ազատազրկման է դատապարտվել: Նա մեղադրվում է օդանավակայանում ոստիկանության աշխատակիցների վրա հարձակվելու մեջ:
