Նախկին նացիստ հանցագործները չեն կարող վճարներ ստանալ ԱՄՆ սոցիալական ապահովագրության համակարգի շրջանակում՝ ասվում է օրինագծում, որը երեքշաբթի ընդունել է ամերիկյան կոնգրեսի Ներկայացուցիչների պալատը: Այս մասին փոխանցում է RIA Novosti-ն:
Փաստաթուղթն ընդունվել է գաղտնի քվեարկությամբ: Այն նախատեսում է սողանցքերի վերացում, որոնք թույլ են տվել նացիստների հետ կապերի մեջ կասկածվող մարդկանց ստանալ սոցիալական ապահովագրություններ, որոնց ընդհանուր ծավալները միլիոնավոր դոլարների են հասնում:
Հանրապետական կոնգրեսական Լեոնարդ Լենսը նշել է, որ այդ օրինագիծը թույլ է տալիս վերացնել անարդարությունը, որը գոյություն է ունեցել երկու սերունդ, ուղղել սոսկալի սխալը հանուն նրանց, ովքեր Հոլոքոստի զոհ են դարձել:
