Լաս Վեգասում ավարտվում է կենցաղային տեխնիկայի և բարձր տեխնոլոգիաների International Consumer Electronic Show (CES) ցուցահանդեսը։
Ինչպես նախորդ անգամները, այս ցուցահանդեսի ժամանակ նույնպես որոշ ընկերություններ իրենց նոր մոդելները ցուցադրել են մերկացած աղջիկների միջոցով։
Այդ երևույթը ստացել է «booth babes» («տոնավաճառային փոքրիկներ») անվանումը։ BBC-ն սրան հատուկ թողարկում է նվիրել։
Այս տարի աչքի է ընկել կոշտ սկավառակներ վաճառող մի կազմակերպության ցուցադրությունը, որում նկարազարդված կիսամերկ մարմնով մի աղջիկ է այն ներկայացրել։
Այդպիսի գովազդային հնարք առաջին անգամ չէ, որ կիրառվում է։ Լաս Վեգասում նմանատիպ ցուցադրումը առավել աղմկահարույց է լինում, քանի որ hi-tech-ի ցուցահանդեսից հետո նույն տարածքում տեղի է ունենում AVN Adult Entertainment Expo էրոտիկ տոնավաճառը, որն ավարտվում է հունվարի 19-ին: Հաղթողներին հանձվում է մրցանակ, որը կոչվում է «պոռնո-Օսկար»։ Հենց դրա համար էլ համեմատում են երկու տոնավաճառները։
CES-ը համարվում է հեղինակավոր ցուցահանդես. այս տարի այն հյուրընկալել էր Բիլ Քլինթոնը։
CES 2013-ին մասնակցել է 3.250 ընկերություն։ Իրենց նորույթներն են ներկայացրել Apple, LG, Sharp, Panasonic, Huawei, Fujifilm, Intel, VOXX և այլ կազմակերպություններ։
