Ալբոմի ստեղծման աշխատանքներին մասնակցել են վոկալիստ Օզզի Օսբորնը, կիթառահար Թոնի Այոմին, բասկիթառահար Թերրի Բաթլերը: Աշխատանքներին մասնակցել է նաև Rage Against The Machine խմբի թմբկահար Բրեդ Ուիլկը: «13»-ը կդառնա առաջինը 1978-ին թողարկված Never Say Die ալբոմից հետո:
Ապրիլին ռոք երաժիշտները կմեկնեն շրջագայությունների:
Ալբոմի անվանման ընտրությունը կապված է 1970-ի փետրվարի 13-ին նրանց լույս ընծայած անանուն առաջին աշխատանքի հետ, որը մինչ այսօր համարվում է ծանր երաժշտության չափանիշներից մեկը:
Քառյակը հայտարարել էր, որ ալբոմը լույս կտեսնի 2012-ին, սակայն այդպես չեղավ: Անհամաձայնությունների պատճառով սկզբում խումբը լքեց Ուորդը: Խումբը չեղյալ հայտարարեց իր համաշխարհային շրջագայությունները, որոնք պետք է մեկնարկեին Մոսկվայից:
Black Sabbath խմբի դասական կազմից առաջինը հեռացավ Օզզին: Թերի Բաթլերը 1984-ին խմբից հեռանալով՝ ընդհատակ էր անցել:
Black Sabbath-ի ալբոմները 1970-ից ի վեր աշխարհում վաճառվել են ավելի քան 70 մլն օրինակով:
