ԱՄՆ ՊՆ-ն առաջիկա շաբաթներին ևս մի քանի կալանավորի ազատ կարձակի Գուանտանամոյի բանտից: Այս մասին հայտնում է The Wall Street Journal-ը:
Անցած շաբաթ Պենտագոնն այդ հատուկ բանտից ազատել էր 5 բանտարկյալների. նրանցից 3-ը փոխանցվել էին Վրաստանին, մյուս 2-ը՝ Սլովակիային: Հայրենիքում նրանց համար մշակվել են հատուկ վերականգողական ծրագեր:
«Պաշտպանության նախարարության ներկայացուցիչները հասկացրել են, որ դեկտեմբերին կլինեն նոր ազատարձակումներ: Սակայն նրանք հրաժարվել են հստակեցնել, թե ինչ թվի մասին է խոսքը, և որ երկրների քաղաքացիներ են այդ բանտարկյալները»,- գրում է թերթը:
Ներկայումս բանտում պահվում է 143 բանտարկյալ:
Ահաբեկիչների համար հատուկ բանտը Կուբայի ամերիկյան բազայում ստեղծվել էր այն բանից հետո, երբ ԱՄՆ-ն 2001 թվականին Աֆղանստանում ռազմական գործողություններ էր սկսել «Ալ-Քաիդայի» և «Թալիբանի» դեմ:
