Ամերիկացի կենսաբան Ջեյմս Ուոթսոնը որոշել է վաճառել իր Նոբելյանական մեդալը` գրում է The Telegraph-ը: Ինչպես հիշեցնում է թերթը, Ուոթսոնը Ֆրենսիս Կրիկի և Մորիս Ուիլկինսի հետ 1962 թվականին արժանացել էր մրցանակի՝ ԴՆԹ մոլեկուլների կառուցվածքի բացահայտման համար:
Ուոթսոնն ու Կրիկն աշխատել են Քեմբրիջի համալսարանում, Ուիլկինսը՝ Լոնդոնի թագավորական քոլեջում:
Christie’s աճուրդի տանը հայտարարել են, որ առաջին անգամ Նոբելյան մրցանակը վաճառվում է մրցանակակրի կենդանության օրեք: Աճուրդը ծրագրված է դեկտեմբերի 4-ին: Լոտի արժեքը 3.5 մլն դոլար է:
Պրոֆեսորը ծրագրում է ստացված միջոցների մի մասը փոխացնել ինստիտուտներին, որտեղ ինքը սովորել և աշխատել է:
Աճուրդի կդրվեն նաև Ուոթսոնին պատկանած տարբեր նյութեր:
Կրիկը մահացել է 2004 թվականին: Նրա մեդալը Heritage Auctions-ում վաճառվել է 2.2 մլն դոլարով: