Կիևում՝ «Ուկրաինա» պալատի մոտ, Անի Լորակի համերգի դեմ անցկացված բողոքի ակցիայի ժամանակ ոստիկանության երեք ծառայողներ են տուժել՝ շնչառական ուղիներում և աչքի լորձաթաղանթում արցունքաբեր գազի հայտնվելու հետևանքով: Այս մասին հայտնում է Korrespondent.net-ը՝ հղում անելով մայրաքաղաքային ոստիկանությանը:
Տուժածներին բուժօգնություն է ցուցաբերվել տեղում: Նշվում է, որ քաղաքացիական անձանցից ոչ ոք չի տուժել: Արցունքաբեր գազից բացի՝ ցուցարարները քարեր են նետել ոչ միայն շենքի, այլև մարդկանց ուղղությամբ: Հարուցվել է քրեական գործ՝ խուլիգանության հոդածով: Ձերբակալվածներ չկան:
Հաղորդվում է, որ շուրջ 100 ցուցարարներ փորձել են խափանել համերգը:
Հիշեցնենք, որ օգոստոսին «Սվոբոդայի» և «Աջ սեկտորի» ներկայացուցիչները խափանել էին Օդեսայում Անի Լորակի համերգը: Անկարգությունների հետևանքով տուժել էր 1 ոստիկան:
