Կոնգոյի Դեմոկրատական Հանրապետությունը համարվել է կանանց համար ամենավտանգավոր երկիրը: Այս մասին հայտնում է ավստրալական news.com.au պորտալը՝ հղում անելով Caritas Australia միջազգային կազմակերպության զեկույցին:
«Անվախ ձայներ» (Fearless Voices) կոչվող փաստաթղթում հաղորդվում է, որ Կոնգոյում շատ կանանց և աղջիկների բռնության են ենթարկում և ստիպում մարմնավաճառությամբ զբաղվել: Դրա հետ մեկտեղ, նման հանցագործություններ կատարած անձինք այդ երկրում հաճախ անպատիժ են մնում:
Պորտալը նշում է, որ «Կոնգոյում կին լինելը նույնիսկ ավելի վտանգավոր է, քան զինվոր»: Կոնգոյում յուրաքանչյուր 1 ժամում բռնաբարության է ենթարկվում 48 աղջիկ: Շատ դեպքերում տուժողի ընտանիքը վճարում է բռնարարին, որպեսզի վերջինս ամուսնանա իրենց աղջկա հետ:
Կոնգոյի բնակչությունն ավելի քան 67 մլն է, նրանց 87%-ն ապրում է օրական 1,45 դոլարից պակաս գումարով:
