Պենտագոնի ղեկավար Չակ Հեյգելն ԱՄՆ նախագահ Բարաք Օբամային զեկուցել է, որ երկարաժամկետ հեռանկարում միջազգային անվտանգության համար սպառնալիքը Ռուսաստանից ավելի զգալի է, քան Մերձավոր Արևելքից: Այս մասին գրում է The Wall Street Journal-ը՝ հղում անելով բարձրաստիճան աղբյուրի ԱՄՆ պաշտպանության նախարարությունում:
Հեյգելի խոսքով՝ Վաշինգտոնը պետք է Մոսկվայի հետ լարված հարաբերությունների «թուլացման» միջոց գտներ և պայքարեր Ռուսաստանի և Չինաստանի կա՛մ ենթադրյալ, կա՛մ իրական մտերմության դեմ, նշում է պարբերականը:
Բացի դրանից՝ սեպտեմբերին Հեյգելը Սպիտակ տանն իր նամակում զգուշացրել է շտապ որոշումներ ընդունելու անհրաժեշտության մասին այն հարցում, ինչ պաշտոնյաներն անվանում են Մոսկվային «զսպելու» նոր «կրեատիվ» տարբերակներ, ասվում է հոդվածում:
