Healthinfo.ua-ն մի քանի դիմակ է առաջարկում, որոնք կօգնեն ազատվել կոպերի ուռածությունից, փափկեցնել և հանգստացնել աչքերի շուրջ մաշկը և հանել հոգնածությունը: Դիմակները հարկավոր է լվանալ 15 րոպե անց, մաշկը մաքրել հատուկ տոնիկով, այնուհետև թեթև շարժումներով աչքերի շուրջ մաշկի համար նախատեսված քսուք քսել:
1. Աչքերի հոգնածությունը և կոպերի ուռածությունը կարելի է վերացնել տնային պայմաններում պատրաստված կաթնաշոռով, ինչպես նաև հում քերած կարտոֆիլով, խնձորով և թարմ վարունգով: Դիմակները հարկավոր է դնել փակ կոպերին և ծածկել խոնավ անձեռոցիկով:
2. Խառնեք մեկ թեյի գդալ լորենու, մանուշակի ծաղիկները և մաղադանոսի տերևները, մեկ ճաշի գդալ թթվասեր ավելացնել և ստացված խառնուրդը քսել փակ կոպերին, ծածկել խոնավ անձեռոցիկով:
3. Մեկ թեյի գդալ մաղադանոսը խառնել 2 թեյի գդալ թթվասերի հետ: Քսել փակ կոպերին և ծածկել խոնավ անձեռոցիկով:
4. 2 թեյի գդալ քերած հում կարտոֆիլը, ալյուրը և հում կաթը խառնել և քսել փակ կոպերին, դրանք ծածկել խոնավ անձեռոցիկով:
5. 1/2 բաժակ մանր կտրատած վարունգի կեղևի վրա ½ բաժակ եռման ջուր լցնել, թողնել 30-40 րոպե, քամել, ավելացնել 1/2 թեյի գդալ կերակրի սոդա, լավ խառնել: Դիմակը քսել փակ կոպերին և ծածկել խոնավ անձեռոցիկով:
